గ్రామ స్ధాయిలో సమాచార వ్యవస్ధను నెలకొల్పడమే 'విస్టా' లక్ష్యం. ఈ లక్ష్య సాధనలో భాగంగా స్ధానిక ప్రజలకు సరైన శిక్షణ ఇచ్చి, వారు తమ అభివృద్ధి పనుల కోసం ఈ సాంకేతికతను వినియోగించుకోవడానికి 'విస్టా' కృషి చేస్తున్నది. అయితే ప్రజలు తమ సమాచార విజ్ఞానాన్ని, స్వేచ్ఛగా అభివృద్ధి పర్చుకోవడానికి వీలుగా ఒక కార్యాలయం ఏర్పాటు చేయాలని మేము భావించాం. ఈ విషయంపై గ్రామసభల్లో పలు సార్లు చర్చించడం జరిగింది. ఈ 'సెంటర్' నిర్మాణం నిమిత్తం గ్రామ పంచాయతీ ముందుకు వచ్చి కొంత భూమిని కేటాయించింది. వెనువెంటనే 'విస్టా' నిర్మాణం చేపట్టింది. ఆఫీసుకు గత ఏడాది 2006 ఫిబ్రవరిలో ప్రారంభోత్సవం చేశాం.