సమాచార సహకారంతో ప్రజలలో భాధ్యతను పెంపొందించుదాం
Search
 
 
 
 
 
'విస్టా' కు స్వాగతం
ప్రజాస్వామ్యబద్ధంగా సమాచారం
'విస్టా' అంటే కార్యాచరణ కోసం రూపొందించిన దృశ్యసమాచార విధానాలు - గ్రామీణ అభివృద్ది,సమాచార సాంకేతిక రంగంలో నిష్ణాతులైన కొంతమంది నిపుణులం కలిసి 'విస్టా' ను ఏర్పాటు చేసుకున్నాం.సమాచారానికి మరింత ప్రజాస్వామ్యబద్దత కల్పించి, అందరికి అందుబాటు లోకి తేవాలన్న ఉమ్మడి లక్ష్యంతో నిర్విరామంగా కృషి చేస్తున్న సంస్ద 'విస్టా'.
'విస్టా' అంటే విస్తృత మానసిక దృష్టి.ఆయా కాలాలలో, ఆయా సంఘటనలు,విషయాలపై అవగాహన, చైతన్యం కలిగివుండే మానసిక పరిణతి సాధించిన దూరదృష్టి ఇటాలియన్ భాషకు సంబందించిన "వెడెరె(VEDERA)" అను పదము నుండి 'విస్టా' అను పదము గ్రహించబడినది.దీని అర్దం 'చూడడం.'
మానవ మేధ ఓ అద్బుతమైన శక్తి.మనిషి మెదడుకు సరైన,అర్దవంతమైన సమాచారాన్ని అందిస్తే అది సాధించలేనిది ఏమి లేదని మా భావన.మేధో వికాసం ద్వారా గ్రామీణులను చైతన్యపరచి,వారిని అభివృధ్ధి పధంలో నడిపించి గ్రామీణ భారతంలో వారి అభివృధ్ధికి వారినే కర్తలుగా రూపొందించే బృహత్తర కార్యక్రమాన్ని 'సమాచారం' సాధించగలదని మా విశ్వాసం.
సమాచారంలో..పనిలో భాగస్వామ్యం
సమాచారాన్ని కలిసి పంచుకోవడం తద్వారా అభివృధ్ధిని సాధించడం మా ముఖ్య లక్ష్యం.సమాచారాన్ని అందరికి అందుబాటు లోకి తేవడం ద్వారా స్ధానిక సంఘాలు, సంస్దలతో కలిసి పని చేయడం పరిపాలనలోని అన్ని స్దాయిలను కూడ అభివృధ్ధి సాధనలో భాగస్వామ్యులను చేయడం మా 'ప్రణాళిక' ప్రధాన ఉధ్దేశం.
ఆశయాలు ..లక్ష్యాలు
  1. గ్రామీణ పేదలను చైతన్యపరచి వారిని వ్యవసాయం,గ్రామీణ జీవనోపాధి రంగాలు,మార్కెటింగ్,సూక్మరుణాలు,ఐటిద్వారా లభ్యమవుతున్న అవకాశాలు,తదితర అభివృధ్ధి పధకాలు అందుకునేలా తీర్చదిద్ది 'ఉపాధి సాధించుకునే మేధ' ను అభివృధ్ధి చేయటం.  
  2. 'స్వయం సహాయక అభివృద్ధి' కోసం ముందు జాగ్రత్త చర్యలు:  
  ఎ. గ్రామీణ జీవనాధార వ్యవస్ధను దెబ్బతీసే ముడి సరుకుల కొరత , ఉత్పత్తి తగ్గుముఖం వలన వెనుకబడినవర్గాల వారి పరిస్దితులను అంచనా వేయడం.  
  బి. కుటుంభాల లేదా వ్యక్తి యొక్క ఆదాయపు పరిస్ధితులను దెబ్బతీసే అవకాశాలను అంచనా వేయడం.  
  ఈ నేపధ్యంలో ప్రస్తుతం అందుబాటులో వున్న సహాయక కార్యక్రమాలను పైన పేర్కోన్నవారికి అనుసంధానం చేసినట్లయితే పరిస్ధితుల తీవ్రతను తగ్గించుట.  
  3. వివిధ స్వచ్ఛంధ స్వతంత్ర వర్గాల ద్వారా, మార్గాల సహాయంతో సమీకరించిన 'సమాచారం'తో గ్రామీణులు తమ జీవన ప్రగతిని తామే సాధించుకుని,తమ జీవన ప్రమాణాలను మరింత మెరుగుపరుచుకొని,స్దానిక అవసరాలకు అనుగుణమైన నాయకత్వ లక్షణాలను పెంపొందించుకునే దిశగా అడుగులు వేయడం.  
  4. గ్రామీణ ప్రజల జీవన పరిస్దితులను మెరుగు పరిచే అనేక అవకాశాలను వారికి అందుబాటులోనికి తీసుకురావడానికి వారి వారి ప్రాంతీయ భాషల్లోనే దృశ్యపరమైన తగిన సాంప్రదాయ బద్దమైన పద్దతులను రూపొందించడం.  
  5. గ్రామీణ ప్రజల దారిద్ర్యానికి కారణమైన పరిస్దితులను అర్దం చేసుకొనుట ,దారిద్ర్యానికి సంబంధించినటువంటి సమాచారాన్ని రాబట్టుట. ఆ దారిద్ర్యనిర్మూలనకు కావలసిన పరిష్కారాలను వారికి అందచేయుట.  
  ఎ. స్ధానిక అవసరాలను తెలిపే సమాచారం సేకరించుట,వాటిని మెరుగు పరుచుకొనుటకు అవకాశాల అధ్యయనం .  
  బి. అభివృధ్ధి లక్ష్యంగా మేధావులు చేపట్టే అధ్యయనానికి అవసరమైన ఒక వేదికను,వ్యవస్దను రూపొందించటం.  
  సి. అంటరానితనమును నిర్మూలించి స్దానిక అభివృద్ది ప్రక్రియలో ప్రజల నిర్ణాయక శక్తికి తోడ్పడే ఒక కేంద్రంగా,పరిశోధనా సంస్దగా,శిక్షణా విభాగంగా పనిచేయడం.  
  డి. సామాజిక లక్ష్యాలకు సంభందించిన వివిధ రకములయిన సమాచారాన్ని అభివృధ్ధి పరచి, ఉత్పత్తి చేసి,ప్రచురించి,ప్రదర్శించి,పంపిణీ చేయడం.  
  ఇ. వివిధ గ్రామీణ అభివృధ్ది కార్యక్రమాలు చేపట్టే దిశలో భాగంగా స్వచ్ఛంద సంస్ధలు,ప్రభుత్వము, వ్యక్తులతో కలసి పనిచేయడం.  
  ఎఫ్. ప్రస్ధుత సామాజిక పరిస్దితులను అధ్యయనం చేసి ప్రజలలో వాటి గురించి అవగాహన తీసుకొనిరావటం.  
  జి. అభివృద్దికి అవసరమైన సమీకృత బహుళ క్రమశిక్షణ విధానాన్ని అమలు చేయడం.  
  హెచ్. వివిధ అధ్యయనాలు,పరిశోధనలు చేపట్టడం,సామాజిక భావాలు,అవసరాలు ప్రాతిపదికన చేపట్టే కార్యక్రమాలలో పాలు పంచుకోవడం.  
 
 
 
 
Click here for Telugu Click here for English Click here for French