ఈ 57 రకాల నీటిలో 27(48%) రకాలలో వుండవలసిన ఫ్లోరైడ్ శాతం కన్నా అత్యధికంగా నమోదయింది. మరియు 15 రకాలలో సరిగ్గా 1.5 ppm ఫ్లోరైడ్ శాతం నమోదుకాగ మిగిలినవి సురక్షితమైన త్రాగునీరుగా నమోదయినవి.అనంతపూర్ మరియు కర్నూలు లో ఊన్నటువంటి లేబరేట్రీస్ పరీక్షించగా పైన తెలుపబడినటువంటి ఫలితాలతో సరితూగినాయి.

ఒక్క చిట్లంకుంట గ్రామంలోనే వున్నటువంటి వనరులలో (65%కన్నా ఎక్కువ) ఫ్లోరైడ్ వుండ వలసిన దానికన్నా అధికంగా నమోదయింది.దాదాపు లభ్యమవుతున్నటు వంటి అన్ని నీటి వనరులలో ఫ్లోరైడ్ శాతం అత్యధికంగా నమోదయింది.ఆ వూరిలో జరిగేటటువంటి గ్రామ సభలో ప్రజలందరి ముందు చిత్రపటాల ద్వారా ఎక్కడెక్కడ ఫ్లోరైడ్ శాతం గల్గిన నీరు వుందో చూపించటం జరిగింది. అంతేగాక నీటిలో ఫ్లోరైడ్ శాతం పెరగడానికి గల కారణాలు, అటువంటి నీరుత్రాగటం వలన వచ్చే వ్యాధుల గురించి చిత్రపటాల ద్వారా మాప్స్ ద్వారా వివరించి చెప్పినాము.